عاشقين ترابك يا طيبه
عشق حبيبه
كورنيشك البمبى
و شموسك الطيبه
ثوره إتباعت ببلاش
و بلاش ليه بلا خيبه
لو كنت متواطئ
أو كنت شايف خير
لو عندك ربع ضمير
سمعنى أحلى سلام
على حلم نجم بطل
جناينى معتقلات
كان كل ليله بيبات
يغزلها قصايد
أبنودى فى خدودى
رسم الوشم حلمى
أنا بين خالى و عمى
رصيت وجع كشاكيل
يا سمرا لون حرقتى
عنوان هواك مناديل
دموعى تتوضا
من ميتك زمزم
و الهجره حلم محال
نفسى ما أحققهوش
حوش عنى يا رب حوش
سحر ضواحيها
نفسى برغم الوجع
كل يوم أصحى
على نظره من عينها
و أندفن فيها
هانى آدم