هأسيبلك قلبى بشروطى
بعهد نهايته فيها موتى
تحافظى عليه يكون ضلك
تبيعى إتحملى وزرك
لو الأيام هترجع بى
هتعرفى قد إيه قلبى
تعب على ما إلتقى عنيك
و عشقك بس بشروطى 
قلوب الدنيا ما تساوى
حنان جوايا يندهلك
و لا هتقدر فى يوم تزرع
فى أرضى ورود بتطرحلك
غير الشوق و الأمانى وعود
و حضن حنانه غير معهود
يا ماشيه فى حلمى بهواده
و مالكه العمر راح صوتى
فى ندهى عليك تتعالى
و صمتى فى حضرتك زاهد
عيون الكل و الواحد
و تنهيد عشق ف سكوتى
شهادة عشقى لعيونك
صراع بين نفسى و ضحاها
صراع دنيايا محياها
و مذهب دربى و بيوتى

هانى آدم