مابقاش ليا خلاص ف الدنيا
بعد ماراح الحلم معاه
طول ما انا عايش شايف صورته
وبجيب سيرته بخير والله
عدي العمر وبعد فراقنا
اتغيرت الدنيا كتير
مابقاش ينفع احب عليه
مش محتاجه اكيد تفسير
...........
كل الناس بتنام وبتحلم
واما بتصحي بتنسي خلاص
صاحي ونايم شايف صورته
يعني انا مثلا غير الناس
.........
نفسي احكيلك الف حكاية
عشتها بعدك بالتفصيل
نفسي اقولك انا مش خاين
بس الوحدة دي حمل تقيل
كله بينسي كله معدي
بس بتفضل بينا فروق
ايوا حقيقي انا محتاجلك
وانت نصيبك تطلع فوق
.........
كل الناس بتنام وبتحلم
واما بتصحي بتنسي خلاص
صاحي ونايم شايف صورته
يعني انا مثلا غير الناس
احمد الصارم