الغربة 
عن الغربة هتكلم 
الكل منها بيتألم 
ودروسها طبعا بتعلم 
يارب من الغربة سلم 
♡♡♡♡
قالوا بلاد فيها العجب
وتجيب من التراب دهب
قلت أجرب البعاد
يمكن كده يهدي الفؤاد
أسافر وأرضا باالعذاب
♡♡♡♡
طلعت خارج الحدود 
عشان انفذ الوعود 
اتكبرت علي عيشة الجدود 
قلت أعيش زي الأسود 
♡♡♡♡
سافرت مع الراحلين 
قلت اجيب قرشين 
كل الحكاية سنتين 
واتعلم الصبر من الصابرين 
ضيعت من عمري سنين 
♡♡♡♡
نصيحة ليك يا صاحبي 
كان نفسي بالكلام دا تنصحني 
الغربة عيشها زي الأسود والنمور 
مش عايزة عيشة الطيب الصبور 
عيشها قاسي دايماً تكون مستور 
والكل يحترمك وحقك مايكنش مهدور 
لو عيشت طيب هايعملوا من دمك بحور
♡♡♡♡
بيحسدوني علي نزولي أجازتي 
يمكن أكون نازل عشان تحضروا جنازتي
وتزفوني للمقابر بدل زفة جوازتي