أأأه يابو العيال
صورتك لسه فالخيال
دي عشره كانت ودنيا كانت لسه في خيالي
الدنيا دي كانت بجد ولا هزار
فقت منها علي مرار وعذاب ونار
مش لاقيه نفسي من يوم مارحت
مش لاقيه غير كدب وضلال
ومكنش أبدا دا اتفاقنا يابو العيال
انك تسيبني من غير حبيب
وحيده ضايعه
شايله هموم مايقدر عليها الا الرجال
مشيت بسرعه مفضلش غير وحده وذكري
وناس مبتعرفش أي رحمه
وتزيد همومي أنا والعيال
ومكنش دا اتفاقنا يابو العيال
انك تسيبني وتمشي لوحدك
طب كنت خدني ياعشره كانت في الحلال
هو دا كان اتفاقنا يابو الرجال
تسيبني وحدي وسط العيال
دا حمل وكان تقيل عليا وتقله كان زي الجبال
كنت حاسسبي كنت دا رايبي
كنت شايل عني همومي
الضحكه غابت الفرحه غابت
كل الهناوه راحت معاك
وبطمنك يابو العيال ان العيال ناجحين وعال
دي خلفه صح ولاد حلال
الدنيا سوده وملامحي ضاعت
من يوم مارحت ياضي عيني
والوحش طالت لكل حاجه كانت معاك
مش سهل أبدا نسياني ليك
ياحته مني مش عارفه لسه أنا في حلم ولا حقيقه
لأدي حقيقه مره من غير جدال
كل الغلاوه راحت معاك
مش باقي لسه غير دمعه واحده رافضه النزول الا عليك
مش يومها قلتلك يانن عيني يخلي يومي قبل يومك
وانت اللي رحت من غير سؤال
وفضلت وحدي وسط العيال
باستني يومي وعايزه اجيلك
وامتي اجيلك يابو العيال