نقش القوافي ...

شدّيت لك من خاوي الراس حلو الأشعار 
وعطيتـك من بنـات أفكاري زينـة معانيهـا

وصبّيت لك من دلّة محوّجة من بن وإبهار
مطبـوخة علـى نـارٍ جمـرهـا دوم كـاويهـا

ونسجت من الهوى سجادة خيطها بروكار
ومـدّيدتهـا لأجـل تمشـي عليهـا وتِحلّيهـا

ونثرت قدامك عبيـر الـورد يبوح بأسـرار
ويـروي لك مـن حـروف الشعـر ويسقيهـا

وخليت قلبـي يطيـع لك فـي كـل مشـوار
ويمشي على مـودك وخـواطرك يراضيها

ونقشت حرف اسمك على جذوع الأشجار
لأجل ماينمحـى أثـر لحظاتنـا وحكـاويهـا

ورسمتـك علـى جبيـن الشمـس كـل مادار
نـوره على الدنيا وتشـرق بالسما معـاليها

وكتبتك قصيدة وعلقتها على حايط الـدار 
وترا لهذا اليوم محدن قدر يختم قوافيهـا

بقلمـي صقـر