( سكة سفر )
.....................
لسة جاية ...
.............بعد ايه ؟
بعدعمري ماتسرسب
...............ساعاته
كنتي فينك من زمان ؟
..........كنتي فينك
لما كان الحب ضحكة
في رحم الهوي
لما كان الشوق لقلبك
.............قلبي
من ناره انكوي
لما كان الورد نابت
........بين شفايفك
لما كان السن باسم
واما كان الخال في خدك
عينه علي خاتم ..
..............محاسنك
فين عيونك ..........
.......... فين عيوني
ليه شفايفك ..........
.............مش نادوني
ياضني القلب اللي حبك
والعذاب اللي انكتبلي
.................وانكتبلك
البعاد مكتوب علينا
..............واللا ايه?
نفسي اشوفك
.............جوة روحي
نسمة بتهفهف وطايرة
..............فوق سطوحي
بلسم رضابك ...............
شهدبيطيب جروحي
.............ساكتة ليه؟
داحلم قلبي بيحلمه
..............وبتحلمي
أكون هواك....
............واللا انكتب
ابقي هنا..............
.............وانتي هناك
....................سكة سفر
...................وبلاد بعيدة
......ساكنة فيها
............وقلبي متغرب معاك؟
......................................................... شعر / حامد الغزالي يوسف
