عدي العمر 
ةةةة♡♡♡ةةةة
عدي العمر ومش خايف علي عمري .
و قد ما فات من عمري ..
ما حسيت إنه فات عمري ..
كإني ما عشتش الماضي ..
و بأبدأ من جديد عمري ..
شعري إتحني بلون اﻷلماس ..
و القلب بقي كتير حساس ..
ناس كتير شافتني و حبتني ..
و ناس نسيتها و إفتكرتني ..
و ناس عشانها نسيت الناس ..
و في شدتي نسيتني ..
لسه الحياه مش عارفاني ..
أمشي و ﻻ أقف في مكاني ..
جايز خدتني و ودتني..
ﻻ بعدت عنها و ﻻ سابتني ..
بس السؤال إليي محيرني ؟؟
عشت الحياة و ﻻ عاشتني !!
عدي العمر و مش خايف علي عمري ..
لكن قد إليي فات من عمري ..
كإني ما عشتش الماضي ..
و بأبدأ من جديد عمري .