ليه الناس وقفة لبعض على الوحدة ومختلفة ؟!!!!
ومن دلوقتى هـ كتب حروف تيها
حروف بنادي عليها طول الليل 
ومش سمعة
حروف علة وتعبانة وشقيانة
وفيها ميت مليون آلم
ولا تقدر تقول اه يانه
هـ كتب حروف عن الحب وزمانه
وديماً تفكر فيك
وتسرح فى حبك وتسأل 
هو فين حيرته وحنانه
وحروف تصونك وحروف تخونك
وحروف مُغرمة فيك و هيمانا
وتعتبك على غيابك
وحروف ما يهمها فراقك
وحروف تعتذر على غلطة
وحروف تتمنالك الغلطة
حروف عيشة الدنيا بطولها وعرضها
ولا تهتم بحد
بالليل سُكِر وعربده وبنهار تقيم الحد
وحروف فقيرة وجعانة
ومدّا إيدها لكل الناس
ولا حد عطف عليها ولا داها
و حروف نايمة فى عز البرد فى الشارع
وحروف نايمة ودفيانة
وحروف تاية فى دوامة
وحروف عيشة على أمل كذاب
وحروف الأمل ماليها
وحروف النصيب خلا بيها
وحروف بتسأل انا منكم ولا انا عنكم غريبة
وكلنا حروف بس حروف مختلف مش شيفه
..................../ عصام يوسف