استكمالا لخربشاتي و انتقاداتي للحال اللي احنا فيه
حبيت اخربش هنا شويه .....
جايز حد يتحرك..
جايز حد يفهم...
جايز حد من حبايبنا الحلوين .. يدخل و يقرا ويوصل الكلام للناس الي فوق.....
ندخل في الموضوع..
//
/
/
سياسة الطماطم..
كلنا عارفين ان في مصر عندنا سياسه خاصه للطماطم
بتغلى مره واحده
بترخص مره واحده
في الشتا
غير الصيف
في المواسم
غير الايام العاديه
و عشان كده كلنا بنقول ... مجنونه يا اوطه!!!
و السياسه ده احترفها كل خضري..
منهم اللي مش متعلم .. و مع احترامي ليهم .. اقصد جاهل
وفي اللي وصل للدرجه العلميه اللي بيها قدر يكتب اسمه فقط...
و لكن للاسف السياسه ده ماقدرش يحترفها ناس وصلت في الدرجه العلميه لاضعاف مضاعفه بالنسبه للفلاحين و الخضريه
يعني مثلا ...
خط الغاز و البترول اللي واصل من مصر لاسرائيل
اول سؤال...
ليه نصدر لاسرائيل؟؟
طبعا ماحدش يعترض على مزاج الباشا... كيفه كده..
لكن مش ده الاجابه
الاجابه ان المسؤال على الخط ده كذا واحد
منها مستثمر يهودي دفع قرشين حلوين اوي للبلد
ووصل نصيبه لـ 60%
لكن للاسف باع جزء منه للامريكان...
(صحصح معايا ياصاحبي وشوف اللعبة)
كده 60% امريكاني اسرائيلي .... و بين الشاري و البايع يفتح الله
طيب وباقي الـ40%!!!
متقسمه بنسب متفاوته بين مصر اللي ماتعداش نصيبها 25%
و الباقي بين كام دوله تانيه لا يذكروا.....
مع ان الخط ده مصري .. من بترول مصر
و معروف ان البترول من تحلل اجسام الكائنات الحيه و الاغلبيه بشر..
يعني اللي ماتبعش حي .. اتباع ميت..... عجبي
نرجع لموضوعنا..
المصيبه مش في كده لان الغاز وصل لاسرائيل خلاص و اللي انكسر مايتصلحش..
المهم في البترول
وبعد ماكلنا شفنا غلا البنزين بدرجاته لنسبه عدت ال 150%
تعالى اوريك اللعبه ده كمان...
وحده البترول في مصر ثمن البيع الداخلي غير الخارجي غير تكلفته...
ده طبيعي بكل انواع الحسابات في العالم كله
بس اللي مش طبيعي ...
ان الوحده تتباع للخارج بـ 1.5 دولار مع ان تكلفته 0.6 دولار
و تتباع للمصريين بـ 10.5 دولار
( ماتدعكش عينيك ده مش غلطه مطبعيه)
ده حقيقه...
مش عارفه ده اسمه ايه؟؟
هل هو حَوَل سياسي ..
ولا مص دماء الشعب...
ولا جهل و عدم دراية بسياسة الطماطم ...
ايه رأيكم...
نرجع نقول في الاخر ..
بحبك يابلدي والعتب على اد المحبة..
عدد زيارات الموقع
3,049
ساحة النقاش