قلمي ... يد وفــم ...
قلمي.. رصاص ودم ..
فكره الموضوع بسيطه جدا
فقط عيون على مايجري حولنا ....
و طبعا رأينا فيها...
و الفكره طبعا مقتبسه من برنامج الاعلامي الشهير حمدي قنديل برنامج قلم رصاص
ندخل في الموضوع
كنت بقرأ الجرايد ( الصحف اليوميه )
ووجدت الاتي ....
1- مصر الاولى في العالم في نسبه ارتفاع ضغط الدم
اللهم لا حسد وهو في ايه في البلد مايرفعش الضغط ؟؟؟؟؟
ماهي كل حاجه ارتفعت و اسعارها ارتفعت اشمعنا الضغط؟؟؟؟؟
بس ياريت نتفوق في حاجه فالحه.....
2- الفنانه او الفنانه الفلانيه حصلوا على الجنسيه المصريه مقابل مليون جنيه.......
يابلاش ... شوف الجنسيات التانيه بكام ؟؟؟ ...احنا الارخص و الاحسن ومافيش زينا في الشوق.. عجبي
3- صحفي مهم (رجب) يقترح اقامه مولات تجاريه في محطات السكك الحديديه....
ده على اساس ان اللي راكب خط الصعيد محتاج يجيب ايه لاهله؟؟
ولا جايز عرق في السكه فينزل يلاقي حته يجيب منها تيشرت جديد ومزيل عرق و نظارة تليق عالطقم بالمره...
حبة رياضه..
شفت مانشيت غريب جدا فيه صورة للحضري (حارس المنتخب المصري )
اتكتب فيه ....
الحضري مروج للخمور..
و المقال ده كان سببه محامي شاف ماتش جديده للحضري في سويسرا ولابس تيشرت عليه علامه للخمور(يعني المحامي هو الوحيد اللي فاهم)
وراح رفع قضيه على الحضري ( تلاكيك كالعاده)
و في انتظار فتوى من دار الافتاء ان الحضري مروج للفجور
اشمعنا هو ماهو في ممثلين بيشربوها على عينك ياتاجر في الافلام والرقابه لم تهمت...
معلش ياحضري اللي مالوش ظهر ينضرب على بطنه...
جولة خارجيه
قريت في جرنان سعودي اعلان لشركه استقدام
نوفرلك عاملات من تايلاند و الصين والفلبين ...... ومصر؟؟؟؟؟
اللي صعقني وجود اسم مصر ضمن الدول اللي بيستقدموا منها الخادمات و العاملات
ياترى رأي وزيرة القوى العامله اللي نفت الموضوع ده من 4 سنين في حين ان العدد اللي قريته
كان عدد من اسبوع....
وياترى رأي السعوديه ايه لو العكس حصل ومصر عملت اعلان و فيه اسم السعوديه كدولة لاستقدام العاملات
شفت على بار الاخبار في التلفزيون
بوش بيقول للكنيست الدوله الفلسطينيه المستقله سترى النور ......
طبعا ضحكت من قلبي وقلت موت ياحمااااااااااااااار
و اللي غاظني اكتر بيقول
ماينفعش ان ايران تحتفظ باسلحه نوويه حفاظا على الاجيال القادمه.....
راجع نفسك يابوش وشوف انت قتلت كام جيل في فلسطين والعراق و لبنان في الطريق....
كفايه كده النهارده واشوفكم في طلقات قلم رصاص جديده قريبا ان شاء الله
عدد زيارات الموقع
3,049
ساحة النقاش