وحياة حبي الي حبتهولك وحياة
قلبي الي هدية قدمتهولك
خلاص هنساكي والمر الي
معاكي شبعت منه هشربهولك
كنتي ملكة احلامي الي دورت
عليها وافتكرت ان زيك.مش هلاقي
سرحت كتير فخيالي لما كنت اشوف
صورتك دايما مرسومة قصادي
حبيتك وعشقتك بكل جنون
اتبسطت لما بسببك سهرت الليالي
اكتر حاجة تشهد علي حبي ليكي
دموعي علي كورنيش النيل بتاع اسوان
الي ياما مشيت عليه بالساعات
وباكي من فراقي زي السكران
كنت اودر عالباخرة الي اتصورتي
عندها مفتكر لما الاقيها هتطفي النيران
حبي ليكي ذاد اوي اوي اوي اوي
لغاية مابقيت ليكي عاشق ولهان
فبعدك بقيت زي السفينة التايهة
بتدعي ربنا ان يدبرها علي مرسي
حياتي كلها ضاعت وكمان خلاص
احلامي معاها من وقتها ماتت
بس يخسارة قلبك دايما مشغول
وعلي قلبي المجروح بيقسي
ابقي كداب لو قلتلك مش قادر انساكي
علشان هبيعك زي مابعتيني برضاكي
ده انا بسبب طيبتي بقيت زي الشادر
مليون واحد وواحدة فطيبة قلبي بيتاجر
حتي انتي الي مازلتي اقرب شخص ليا
خونتيني وبعتيني زي البياع الشاطر
خلاص مش قادر اتكلم من كتر ما قلبي
اتالم لغاية ماييجي ميعادي ومن الحياة اسافر
ياريتكم تسيبوني فحالي خلاص تعبت عالاخر
شاعر الاحزان
