مبدئيا انا سأتحدث بشكل مبسط جداً من خلال خبرتى الممتدة لست سنوات فى مجال التصميم والجرافيك....
والحقيقة انا حبيت اتكلم فى الموضوع ده عشان ناس كتير متعرفش يعنى ايه مصمم جرافيك!!!
ولما بتعرف على اشخاص جديدة واقولهم انا بشتغل مصمم جرافيك بلاقى نظرات دهشة عند بعض الناس او نظرات تساؤلتنتهى ببتسامه مع انى ببقى متأكد انهم عاوزين يقولو لى انتى اشتغلى ايه؟ سواقه
عموما الجرافيك كل ما هو مرسوم بإستخدام برامج الكمبيوتر المتخصصة فى تحرير الصور او ملفات الميديا..
ممكن تكون كلمة عليها بعد التأثيرات زى الظل والإطار الخارجى مثلاً
ممكن تكون صورة تم إدخال تأثيرات عليها مثل التنعيم التفتيح ...الخ
ممكن يكون مقدمة برنامج او تأثيرات مثل التى ترونها خلف مذيع النشرة مثلا..وهذا يسمى مالتى ميديا
ممكن يكون فيلم كرتون بالكامل ونسميها كاركتر انيمشن
ممكن يكون فيلم سينمائى ثلاثى الأبعاد مثلا
اقولكم على حاجه كلنا عارفينها!!المفتش كرمبو مثلا ده جرافيك
طبعن لو حد من المصممين قرأ الماله هيقعد يضحك ويقول ايه المعلومات القديمة دى!!!لا يا واد جبت التايهة...المقالة دى مش موجهة لمعشر المصممين من امثالنا اصلن يا فالح...
عموما اتمنى اكون افدت بعض الناس وعرفتهم على جزء من عالم الجرافيك..
وتابعونى ف مقالات مقبلة هنتكلم بشكل تفصيلى اكتر وهنتكلم عن الأقسام وطبيعة الشغل وانواع البرامج وحاجات كتيررررررر..
تحياتى للجميع...ماجد الجلاد
ساحة النقاش