أخيرا افلست حزينة النادى وتحولت مصروفاته إلى عبء ويبدو ان مجلس مرزوق استقر على ان يتسول ماكينة كهرباء من مستأجر كافتيريا النادى ودى الماكينة التانية وده طبيعى لسياسة الفشل اللى اتبعها مرزوق من يوم ما ابتلى بيه النادى وطبعا كان لازم يسدد فاتورة الانتخابات فعين خمسة مستشارين قانونين تخيلوا نادى الشرقية محتاج خمسة مستشارين مع ان النادى عمره ماكسب قضية وبعدين هوه النادى مسجل خطر ولا ايه لكن اللى ميعرفش يقول عدس واعضاء الجمعية العمومية مبيسألوش وميعرفوش ان مرزوق مثلا مثلا عين عادل نصر المحامى لما خد عليه حكم حبس وعشان يتنازل عينه فى النادى على حساب الأعضاء وميعرفوش انه عين عبده ابوحسين عشان احسن واحد بيمسح جزخ وبينقلوا أخبار حديقة النادى وميعرفوش انه عين ابن العضو كمال صديق لما جاب صحابه وجم يتخانقوا مع المستأجر السابق وميعرفوش انه عين ابوعميرة عشان جاب له اصوات قعده سينما مصر وميعرفش انه عين فلان عشان كذا وفلان عشان كذا والجمعية العمومية نايمة فى العسل نوم والغريب انه بيفكر يطبع استمارات جديدة ويضم اعضاء جديدة عشان النادى فاضى اوى ومستحمل اللى فيه لكن هيجيب مرتبات منين دول 120 الف جنيه مرتبات شهرية يا جماعه بعد ماكانت ايام المجلس السابق اقل من خمسين الف 

ياترى الجمعية العمومية هتسكت 

انا هجاوب : هتسكت ماهى طول عمرها ساكته  واللى قبلنا قالوا بيت المهمل بيخرب قبل بيت الظالم