يبدو ان بعض القائمين على حملة السيسى بالشرقية تايهين ومش فاهمين حاجه وانهم دخلوا الملعب السياسى بشروطهم هم مش بشروط الملعب وبدأوا الاساءة للسيسى من خلال استدعئهم لرموز الفساد بالحزب الوطنى فى المؤتمرات وآخرها مؤتمر العصلوجى اللى حضره رفعت بيومى ومحمد الصالحى ومجدى عاشور والشعب بيفاجىء بيهم واسئلته بتكتر وبيشكك فى ان الناس دى استبعدت وانهم هيلاقوا سكة مع السيسى وهيقدروا يرجعوا الزمن للوراء وان كان ده مستحيل وده منطقى لو عرفنا ان اللى بيقود الحملة فى المركز بالزقازيق واحد بيقال ان اسمه سمير ابولبده نجار مسلح تخيلوا نجار مسلح بيقود حملة رئيس جمهورية مع ان المهنة محترمة لكن ايه علاقتها بالادارة السياسية والغريب ان ابولبدة دخل انتخابات مجلس الشعب قبل كده مرتين اعلى عدد اصوات حصل عليه78 صوتا بالذمة لو اى حد عاقل عرف ده ازاى هيقدر يجاوب على نقد خصوم السيسى خصوصا انه وجمال عثمان ده المسئول الأعلى علاقتهم بالشارع والتاريخ السياسى زى بالضبط علاقة عمار الشريعى بحراسة مرمى المنتخب وطه حسين بلعب البلياردو
البلاغ ده للحملة الرئيسية للسيسى لتدارك الأمر
