ويبدو ان الصراصير وحيتان البرك لقيونا بعدنا شوية لظروف منطقية عن الساحه انهم عدّوا من خرم الابرة ومسحوا تاريحهم الوسخ وغيروا جلدهم واصبحوا فى أمان وان اللى فات هيتنسى وان جت لهم الفرصة عشان يرجعوا من جديد يلعبوا فى مقدرات الشعب ويمارسوا التضليل ووجدوها فرصة فالسيسى مش بتاع سياسة ولا هوه حزبى ولا كان له وجود فى الشارع وغير ملم بالوجوه القديمة اللى وسخت الحياة بأفعالها واللى كانوا أس الفساد فى كل البلاد فلقينا مجدى عاشور بتاع الحزب الوطنى فى حملة السيسى يانهار اسود ياراجل دا انت واخد حظر قانونى ولقينا رفعت بيومى ولقيننا ماجد دياب قال ايه دول فى حملة السيسى يانهار اسود لو كان السيسى مش محبوب والله الشعب ماكان اداه صوت واحد عشان دول لا وكمان مصطفى السعيد والسويدى أفندى ولطفى شحاته وهلم جره وبجد انا حزنت لما لقيت دول الوجوه اللى بتتكلم باسم السيسى ومعاهم حداد اسمه ابولبده قال ايه دا مدير حملة السيسى فى الشرقية يانهار مهبب ومقطرن بقطران دا مبيعفش يفك الخط واتصلت بالحملة الرئيسية بالقاهرة اسأل هوه ايه اللى بيحصل فعرفت انهم ميعرفوش حاجه عن الناس دى وللامانة تانى يوم على طول لقيت كل يفط الضلال اللى كانت الناس دى معلقاها لتأييد السيسى اتشالت فورا واتصل بى مسئول الحملة وسألنى ان كنت رأيت فقلت رأيت ووعدته ان امنحه تاريخ ولاد الهرمة دول عشان يكونوا حذرين من التعامل معاهم وعشان كده بطمن شعب الشرقية خصوصا الناس اللى زعلوا من السيسى ان الناس دول فى حملته ان السيسى ميعرفش الاشكال دى أصلا واطمنكم كمان لا النهارده ولابكره هيكون لهم مكان فى مصر الجديدة وهنغنى لأى حد نشوف خلقة أهله : عاوزنا نرجع زى زمان ؟ قول للزمان ارجع يازمان 

ولسه هنكمل الكلام وهنعريهم يعنى هنعريهم ومش هنلبسهم غير فى الحيط