بصراحه صرفوا كتير وحاولوا كتير ومعاهم كام واحد من قهوة المشتاقين اللى مالهمش وش تعرفهم بيه مع الوطنى الله لايعوده كانوا شغالين وكانت يفط الاصيل نازله ترف لبيومى النائب اللى كان بتاع الوطنى واللى هو برضه شريك فى مطحن الاصيل بتاع الاسماعيلية وابودياب كمان كان شغال عشرة على عشرة مع الوطنى ولما انتهى الوطنى ركب مع شفيق فى الانتخابات اللى فاتت ولما شفيق ماترشحش جرى ومعاه الأصيل على السيسى مش على السيسى بالضبط السيسى اصلا ميعرفهمش ودا كلام على مسئوليتنا لكنهم حبوا يعرفوه بنفسهم من خلال اليفط فى كل حته بالزقازيق ومركزين اوى قدام المحافظ وفى الميادين على أمل ان السنارة تغمز ويلاقولهم مكان تحت شمس السيسى كأن الناس دى مصرة ان مفيش حاجه هتغيير غير الوجوه وان سكة السلكان هتفضل سالكة وميعرفوش لنهم فى الحته دى صبيان اوى إن السيسى بتاع مخابرات ياغجر وعينه على كل الناس صحيح مابيتكملش لكن لو سألتم ليه كل لما تعلقوا يفط مش بتلاقوها هتفهموا وعلى فكرة انا ببرىء الاخوان المجرمين من التهمة دى لأنهم فعلا مش بيشيلوها