ككل محافظ جاء صدعنا سيادته بالتصريحات وملأ شوارع الشرقية وبيوتها أحلاما وردية وتأهب أهالى الشرقية لشرب كوب ماء نظيف ورغيف عيش انسانى وانهم هيشوفوا المديريات بتشتغل من غير تصبيحه وتفيحه وإن الرشاوى خلاص بح وإن اللى له حق هياخده وإن التعديات اللى تمت على الأرصفة والاملاك العامة والغلبان بحر مويس اللى اتهرى تجريف واتملى كافتيريات معظمها بيشتغل فى الضلمه والمصيبة انها جنب سعادته بصفته ساكن فى قصر السيده قصدى الشرقية وفجأة المحافظ ساب كل ده وهاتك يارصف مشغول بالرصف ومشغول بزغللة عين الرئيس الجديد مع انى بحلف له برحمة أمى ماهيشوفها وإن محافظ الشرقية الجديد بيتابعك وتقريبا حط خططه هو التانى ويمكن يطلع دكر ويورينا أيام بيضه بدل الأيام السودة اللى بقالنا من يوم ما الله يسامحه حسنى مبارك وعصابته خدوا مننا أبوكاظم المحافظ الوحيد اللى جه للشرقية وكل تصريحاته زمان أول ماجه أيام ماكان ميدانى وكل ساعه نشوفه فى حته توهوه زبانية الدواوين خصوصا أبو طه اللى غرق ابوعبدالمجيد واللى حط رجله جوه فكر سعادة المحافظ اللى طبعا مش ممكن يعرف يتعامل مع عصابة المحليات لأنه ببساطه مش صايع سياسى على أى حال ودى مشكلة كل محافظ مش قارى صح
عموما ولا يهمك مش هنتقل عليك انت يدوب تجهز شنطتك بس حذارى يكونوا موضبينلك حاجه دول ولاد هرمة يادكتور
