حكاوي المسحراتي (( الحلقة الرابعة ))
مسحراتي
ماشي ف طريقي
من هم عربي
زايد حريقي
و لا لاقي فرحة
بتبل ريقي
معقول يا وطني
اقتل صديقي
و ليه بالعداوة
احضن رفيقي
و لا ألف خنجر
هيردوا ضيقي
من أمتى كنا
للكره مأوى
و ليه قبلنا
في القلب قسوة
و الدنيا زايلة
جيفة ما تسوى
يا شعب صحصح
و كفاية بلوى
ارجع لربك
دا التقوى أقوي
و لكره قلبك
خد مصل عدوى 
(( أبو مؤمن جوهر)) 
تحولت أغاني المسحرات من مجرد أناشيد دينية و كلمات لإيقاظ الناس إلى التعبير عن حياة المواطنين و حبهم لبلادهم و رصد للحياة السياسية في تلك الفترة فيقول فؤاد حداد مسحراتي 
منقراتني 
نازل الليله دي 
بمزاج فرايحي 
قالت مراوحى 
يا قلب إهدا 
أنا قلت إيه دا 
خليه هليهلي 
مزاحى يجلى 
إحجل يا حجلى 
أنا مش طاووس
حاطير برجلى 
يادوب أدوس 
أرضى تبارك لي
عاوز أبوس 
على ترابها 
مناخ عربها 
حتى سرابها 
يشفي النفوس 
هى اللى هي 
الانسانية 
أم الليالي 
أم الشموس 
سرقت خيالى 
وطبلي صهلل
وقلبى شخلل
زى الفلوس 
وزاد جناني 
وفاض حنانى 
ووردةر سنانى 
العرقسوس 
لفى يا ساقيه 
دور يا قدوس 
إحنا بصراحه 
عرب فلاحه 
فينا السماحه 
عرب مصاروه 
في مصر أرحم 
بلد وثروه 
فينا اللى شحم 
زى اللى جير 
كبير صغير 
شايلين فانوس
ومن صعيدى 
لبورسعيدى 
إيدك وإيدى 
علي الغموس (( فؤاد حداد ))
الكل يبحث عن الغموس بل عن العيش في ظل غلاء الأسعار 
و إلى اللقاء في الحلقة القادمة