*حكاوي المسحراتي ( الحلقة الثانية )
بلطجي مجنون
مخمور ملعون
يحكم لعالمنا
فشر فرعون
****
***
مخبول و مدب
و الاسم ترمب
يرعبنا يا ناس
بشوية بمب
***
مرعب دباح
تدفع ترتاح
عروبتنا تخاف
من أي جراح
*****
ناسيين لجهاد
قاهرين العباد
في البار تلاقيه
مخمور قواد
****
ارجعوا لله
هتناولوا رضاه
هتكونوا بالعزة
في نور في حماه
رمضان شهر العزة و التمسك بالكرامة الاسلامية فلن يسلب الحياة الا من وهبها لك فان اطعته فلا تخش غيره و سبب تخلف و تخاذل المسلمين بعدهم عن المنهج الاسلامي و لا اروع من قول ابي بكر الصديق أطلبوا الموت توهب لك الحياة فلم الخوف ؟ هل نرضخ لتهديدات ترامب انه بأمر فيطاع بل تحنى له الرؤوس مليارات تذهب اليه لو صرف نصفها على الشعوب العربية لأغنتهم جميعا
و يقول فؤاد حداد
أنا كنت فلاح وكان محراتى آه ورا آه
وكنت عامل ما حدش قدره ورآه
وكنت شاعر تئن اقلامى يا ورقاه
دلوقتى صوتى فرايحى فى العزيق والحرت
طبلت أنا وسحرت
قبلت أنا وبحرت
وصبحت أنا مسحراتي سمع الدنيا
ودب مطرح ماحب وكلمته العليا
يمن فجر يوليه اللى شافه وطيبه ورقاه
نده عليكى كأن الدنيا نادهالك
قولة ياليلى ليالي العمر قادهالك
يا عينى بالمواويل الحمر قادهالك
غنى الأمل والشهامه والفرح والنصر
ولولاكي يا مصر كان قلبه رقد هالك
