(( عظيمة يا مصر ))

مصر العظيمة ف دمنا

ما هي امنا

بين نيل و ليل  بيضمنا

بالحب تجمع شملنا

ممكن في ساعة بنختلف

و بنأتلف

في الحرب كتفك ف الكتف

مسنود بنا

حتى  اختلافنا بذوق راقي

حب تلاقي

دا عشق مصر في اعماقي

موجود هنا

الحب مش حكر عليكم و لا علينا

و الفضل على راسكم

 عاليكم اه و عالينا

فكر شوية دا أهاليكم

هم أهالينا

طب ليه تحكم أعاديكم

تقتل فينا

الخير كتير

لو فيه عدالة هيكفينا

مصر السفينة

إيدي في إيدك هتسير بينا

و بقوة واحدة و بتضامن

راح تحمينا

عدونا بيزرع فتنة

ف بيتكم و بتنا

لو فيه خصام هيشتتنا 

بالحب هنلاقي محمد

يحضن مينا