****
يا ما غيرك شايلة علب مكـــياج
أما أنـت جمــالك مش مــحـتاج
لو حتى تـــقومي من عز النـوم
الــبدر يغير و يصـــاب بهــياج
وف عز الصيف دا جمالك دوم
و لا يمكــــن راح تغلبه أمـواج
في عنــيكي السحر نطق بجنون
والشعر طــويل ودا أعظم تاج
وشفايف كـــريز بالطـــعم لذيذ
و سنــان كالؤلؤ فـــوق الــعاج
و خـــدود تفـــاح تغوي المشتاق
هــجرها حراق ومـا لهش علاج
قلبـــي في هواك ضـــرير و أسير
وف سجن عنيك مش عايز إفراج
و بجسم تمــيل مانيكان تجـمــيل
و لأحـــلى موديل تعمله إزعاج
و الكل إليك بالـــشوق بيـمـــــيل
و العـقله عـــمل فرمـات إدراج
من حقي يا ناس في جمالها اتوه
داسمارها جميل و البلدة سوهاج
