هـجــرانــي علـي ايه مفارقة
طب غوري ما عدتش فارقة
دا الـــهجر طــبعك و فــرقة
حبـــك دا غلـطة ف زمـاني
***************
يا ما شفت مــــنك مصايب
حظي في حــبك ما صايب
راسي رابـطها بعـــصايب
و صـــــداع محطم كـياني
**************
طب ليه ما فيش حد حاشني
اكــــلك تمــلي وحــش ني
عمري اللي قبلك وحـشني
مبسوط و ما كنت اعـاني
*************
يا ما كنت شاعر رومانسي
دلوقـــت بالــغدر مــنــسي
ضلــمتي بالـــهجر شمسي
و الـــهـم منــك دعـــــاني