مـن أمـتى كان متهم ؟
لمــا تنـــتـظر شنـــقه
الناس دي فوق التهم
و براءته مــــن حقه
*******
ايه يعنــي ابــنك مات
أو حتي عينه ما فيش
يكفيك شرف و ميزات
أن الزعيـــم بـيعـــيش
******
لو حــتى مـــات مــليون
ما الناس كتير و الشعب
الــمــوت عـلينا قـــانون
بس الــزعيـــم يتــحــب
*****
مـن أمـتى كان متهم ؟
يا شعب صحصح فوق
دا زعيمنا نار فوق علم
أيــاك تــبص الــــــفوق
*******
مـن أمـتى كان متهم ؟
ليه تنـــكروا العــشرة
30 ســـنة فــــى الألم
و الــذل و الــــحــسرة 
*******
مـن أمـتى كان متهم ؟
أصـــل الــبلد بلـــــده
و الشعب تركة غـــنم
لأحــــفاده و ل ولـــده
**********
مـن أمـتى كان متهم ؟
و الظلم بقي حصـــري
و العيشة ضنك و عدم
مكتوبة ع المــــــصري
********
افرح و اعلى و اتجبر
بكرة أكيد هتـــــموت
ع الظـــلم الله أكـــــبر
قاهر لكل طــــاغوت
******