أنا الشاعر
انا الفنان انا الساحر
بالضم حروفي في السبحة
حنان نسمة
و سهام جارحة
و امزج دمعي بالفرحة
ابات مهموم
عشان بلدي
و اكتم دمعتي و ناري
أنا العملاق أنا الساحر
و توقظ كلمتي الهمة
أنا البلسم يزيل غمة
أنا الشافي ضمير أمة
و اشرح و اظبط خطاويكم
وأنا صدري دا بالحب طاويكم
طب ليه تجرحني بمطاويكم
و لا دكتور راح يرحم مرضي
و لا طالب ايدي يبوس يرضي
العلم ف مصر دا شئ عرضي
و أروح للمكنة و ادلعها
و أقول بالحب أولعها
ما يكونشي عفريت عفرتها
و نزع خيراتها و بركاتها
او حتى فيرس فرمتها
طب ليه أرزاقنا ف قلب حديد
بصيت لها و روجت ليها
حتى ايدها بست فيها
بالمس حنيت عليه
دوغري بصت
قلت انا تعبان غيثيني
هيا جودي و انجديني
بالمحنة ريحيني
ما فتكرت ف مرة تنصف
من هجرك بعدك مليون اه
من النار و الحرقة
و حيرتي معاه
أيام الهجر طويلة
ثقيلة
و لا قادر أعيش
و لا ثانية وراه
أفتكر قدومه
و ريحة هدومة
و حتى همومه
أشيلها معاه
و جمال الضمة
و همس الكلمة
و عطر البسمة
ف نور لقياه
وحشتني عينيه
و لا لمس أيديه
و اشتقت إليه
و لا يوم نسياه
لا يسيب و لا يذر
لما قلمي جه يعبر
قال لي لحظة بجد فكر
انت شاعر
اشعر اكتر
حس و انهض
قوم تذكر
ع الحنان و الحب دور
داري خجلك
هيا صور
مستحيل
ان كنت تقدر
شوف عيونها
تطب تعتر
شوف جمالها
الله أكبر
بدر صافي
بنوره اسكر
شمس طالعة
علينا تظهر
للقلوب و العقل تسحر
بص ليها بجد اشعر
و ف عيونها
بذوق تبختر
لما شفت جمال عيونك
لهلبت في المشاعر
و الكلام سحر بجفونك
خلى عقلي بجد شاعر
قولي إيه يا حلوة لونك
حتى قلبي بيه ما شاعر
حتى لما تقولي ايووه
القي نغمك قلبي يرقص
و ف عيونك راح يتووه
و ف بحور هواكي يغطس
من جمالك اااه يا هووووه
انقـــــذيني فيكي بفــطس
من صبية إسكندرية
و نبض القلب دا مجدي
و عقلي بالفرج عامر
وهبتك روحي مع وجدي
يا مجدي و الأصول عامر
لو فتيت بالملح يسند
لما يبقي العيش حلال
و الشرف للبنت مسند
مهما كان الانحلال
بالشوق قابلته في البــــــيطاش
خد عقلي منــي و قــلبي طــاش
بالحب أسرع و لا تبطـــــــــــاش
و النبضة صامته و لا خبطاش
و الصدر فاكه و لا ربطاش
