و يا حظ مــالك هاجرني
و لا مرة تعــــبر تعــدي
من الهمّ أقبل أجــــرني
طب زرني واتغدى عندي
***
تيجي نطــــرد الــهمّ بره
و نعيش بفرحه و سعادة
دا العيشة في الهم مـــرة
و في السعد سكر زيادة
دنيا و دايرة بقدوسك
دوّارة كالعمر ساقية
لو حتى للعنق أدوسك
برضك كيف الميه ساقية
****
و زماننا و لا يوم يهدي
و لا حد يملك زمامه
على الناس بياخد و يدي
و لا فيه غير الروح امامه
****
للرقص دق الصاجات
و لا حتى راعي لشنابوا
و الهزة للرقص جات
مهزوزة و لا قالشي نابوا
***
انا كل ماشتاق واروح له
دا في وشي بيسد قفله
القلب واهبه وروح له
و العقل بالخير واقف له
((2 ))
لا زمان يدوم بالآهاتٌ
ولا فيه ليل قمره دايم
ما كل كـلامك آه هــات
م النحس بعت الهدايم
*****
في الحارة فاردة بتردح
و الخلق و قفوا يشوفوا
و لا حد قايل دا عيب دح
و راجلها هج في كسوفه
في الضلة فارشة الصاجات
((3 ))
الكلمة هربت من القــــلم
و الحرف فر و صار عدم
نكتب لمين قل حضرتك ؟
و العقل فيه مليون صنم
*****
يا مصر صار حضنك عدم
من الفقر شعب يكح دم
بكرة هترجـــع عظـــمتك
و بروحنا هيزول الألـــم
...
((4 ))
اهي ناس بترمي بلاها
ع الخلق بتهين و تقلع
لو كان دي عيشة بلاها
مستني ايه هج و اخلع
****
اهي ناس بترمي بلاها
ع الخلق تنشر قرفــها
لو كان دي عيشة بلاها
و لا حرة بتبيع شرفها
*****
.....
عمر خوفنا ما يوم يفرخ
أصله خنـــثى و فافي جدا
تاه خلاص تلاقيه مدروخ
ربي ياخده يـهـده هـــــدا
لا عادشي ينفع وليدك
و لا حتى نافع حفيدك
و الندل ما تمد ليدك
الندل و لا يوم يفيدك
*****
لو فاكرة قلبي رهينك
لا خلاص منك تحرر
العقل انكر موهينك
و في بعدك ارتاح و قرر
حاطط على البدر عينك
و لا حد في الخلق عاجبك
واخد الحياة بدرعينك
لا فوق و اخفض لي حاجبك
لا زمان يدوم بالاهات
و لا فيه ليل قمره دايم
دايما كلامك اه هات
و لا مرة تدي العدايم
حاطط على البدر عينك
و لا حد في الخلق عاجبك
واخد الحياة بدرعينك
ما تفوق و اخفض حواجبك
*****
لو فاكرة قلبي رهينك
لا خلاص منك تحرر
العقل انكر موهينك
و في بعدك ارتاح و قرر
ماشي و رافـــع الهامات
فاكر الحياة دي راقت له
و الدنيا اهو سـابها مات
اتاريها صحيت فاقت له
****
راح فين ناصر و السادات
رحـــلوا و تركـــوا الغنايم
الموت ما فيهوش سادات
الـكـل فـــي الــقـــبر نـايم
****
صحصح و توب م اللي فات
فالــــموت لا بد و جـاي لك
يا مـا ناس ما لاقيه اليفات
طب كيف ينفـــع رجاي لك
****
بالـــكبر قاعــد ف تراســه
مــا طيقشي و لا حد جاره
لما حانت ساعة افـتراسه
مـن مـوته و لا حـد جـاره
****
..
لو شفته في الهم يجري
طب كيف تختاره صاحب
دا صديقي لو تاه لي فجري
بجوارحه للفجر ساحب
....
يا سوهاجي طب ليه تداري
عمر السوهاجي ما يهرب
دا المجد زرعه في بداري
من نوره للـــكل كهرب
....
كل عام و انت مبدع
كل عام و أنت ممتع
كل عام تصيغ شعرا
نور يخلي الفجر يسطع
....
عشقه نار و القلب تكتك
ليّه بيجذب ضغط استك
لما شاف مرة دموعي
ليّه حن بصحن روستك
....
عشقه نار للعقل شتت
رحت أزوره النوة شتت
بت عنده محال رجوعي
سد جوعي بفطير مشلتت
((5))
و لو بردك صقيع طوبه
فحبي ليك كحر الصيف
في حبك روحي معطوبة
و لا لاقي ليختي رصيف
******
في حبك روحي مغلوبة
و حبي ليك لا يمكن يضيع
كلامك سحر و عذوبة
يا أجمل ورد فصل ربيع
,,,
م البرد سقعان و بتكتك
و الجو يلسع كيف استك
لا فيه فلوس أصل المنحوس
يمسك دهب يلقاه بلاستك
****
م البرد سقعان دفيني
و النظرة منك تشفيني
بلاش بقسوة بطل دوس
أنا قلـــبي ولع طفيني
****
م البرد سقعان فين نارك
يا فيتني حيران ف مرارك
ف حبي ليك مغرم مهووس
و القلب أمله يكون جارك
****
م البرد سقعان و لا داري
هايم سايب أهلي و داري
نهاري ما بتظهر له شموس
و ليلي بالأحزان ضاري
برد المشاعر
*****
من البرد ولاعاد شئ نافع
و لا حتى حــــضن الوليه
في العيشة و الجو ساقع
غير فخدة ضـــاني بليّه
****
فين الخشب هاتوا قيدوا
نتلم كــــده حول منـقد
فن و سامرنا نجـــيدوا
و الكنكة بالقهوة تنجد
****
فيه ناس كلامها يدفي
و ناس كلامها صقيعة
و لا مرة يسند لي كتفي
منتن كلحم الوقيعة
****
على نارنا نتلم صحبة
نشوي سوداني و بطاطا
و كلامنا كالورد صحبة
و اللي يسوق في العباطة
***
البرد مش برد جوك
البرد برد المــشاعر
فيه ناس يغيبوا و جواك
و ناس وجودهم ما شاعر
