الاكسسوار فن جميل ,ولقد تعلمنا فى الدرس الاول طريقة عمل السلاسل , انا جبتلك حاجات حلوة يارب تفيدك وتكون هي اللي انتي عايزاها يلا بقى نشوف ايه الحاجات الى ممكن نعملها بسهوله.
مارايك نعمل انسيال ,وده شكله
 

 

الادوات

خرز اسود صغير

 خرج نجف أصفر

خيط شبك

وده بنشتريه من محلات صيد السمك , وعلى فكرة الخيط ده بيتباع فى بكرات باحجام مختلفة, وفيه منه الرفيع والوسط والسميك ووو  طبعا اختار المناسب حسب نوع الاكسسوار , اللى يلزمنا المرة دى الخيط الوسط

 

قفل للانسيال

 

 وده بنشتريه من محلات الخردوات

دي شبه البنسة الكبيرة دي بتاعت النجارة تقريبا بس على صغير

  

الحاجات دي بقى منين؟؟
 
من عند أي محل خردوات أو أدوات الخياطة وحاجة الخرز
 
هما غالبا بيكونوا في مكان واحد جنب بعض بيبيعوا  الحاجات دي يعني وحتى لو عارفين حد فيهم ممكن لو مش عنده تسألوه ألاقي كذا فين وهو يقولكوا
 

 الطريقة

 
أول حاجة هنجيب واحدة من قطع النحاس مع السلك وتلات خرزات دهبي
 
ونربطهم بالشكل ده
أهم حاجة ماننساش في النص لازم يكونوا سلكين 

 

 

 

ونبدأ نوزع الخرز الاسود مع خرج النجف على الجنبين بالشكل ده ونقفلهم في الآخر
 
 
 
نبدأ بقى بالجزء اللي في النص
 
وركزوا فيه
هناخد الأول خرزة سودا نحطها في السلكين
 
بعدها في كل واحد فيهم نحط واحدة خرج نجف عشان يعمل الشكل ده
 
بعدها نلف السلك حولين الجنبين ونضمهم في النص تاني
 
وممكن لو عرفنا بدل ما نلفه ندخله في الخرز الاسود على الجنبين
 
أهم حاجة ناخد بالنا من طول السلك يكون طويل شوية لو حبينا نقصره نقصه عادي
 
بدل مانعمل ومايكفيش في الآخر
  
بعد لف السلك نضمه للنص ونحط خرزتين دهبي خَرج نجف ونضم السلك بخرزة سودا
 
وتاني نفتحه باتنين خرج نجف ونلفه وهكذا بقى
في الآخر بتوصل بالشكل الجميل اللي شفناه ده بعد مانوصل القفل من الجهتين 
 
 

لو الانسيال نال اعجابكم

قولوا كملى يا هنودة وانا هكمل ع طول
 
المرة القادمة ان شاء الله 
سوف اقول لك طريقة عمل حلق رائع جدا
والاجمل أن تلك الطريقة تمكنك من عمل اشكال كتيرة خالص حسب زوقك والوان ملابسك
المصدر: منتدى همسة حنان

ساحة النقاش

marmarbas
<p>كملى ياهنودة ربنا يوفقك</p>

عدد زيارات الموقع

1,673,464