متصدقيش
لو جم قالولك انه يوم
محبكيش
متصدقيش
لو قالو انه كان اناني
لنفسه بس حابب يعيش
متسمعيش
،،،،،،،،،،،،،،،،،،،،،،،،،،،،،،،
يمكن كلامهم عن حد تاني
حد وانتي متعرفيش
فمتزعليش
ما انتي ياما سمعتي منه
مره قال انك حبيبتو
وانتي قولتي انه حبيب
مره قال انك نصيبو
وانتي قولت هو النصيب
ليه كدبتي نبض قلبه
ليه بحبه محستيش
،،،،،،،،،،،،،،،،،،،،،،،،،،،،،،،،،،،
كان بيوصف حبه ليكي
واللي فيكي مكنش ليه
كان بيعشق نظره عينيكي
وبايديكي غدريتي بيه
وابعدى ومتجرحيش
هو كان بيقولك ايه
ولا شوفتي منه ايه
بجد قالك انه شاعر
ولا كان بياع مشاعر 
كان بيكدب ولا ظالم
ولا قالك انه عالم
عرفتي انك محبتيش
،،،،،،،،،،،،،،،،،،،،،،،،،،،،،،،،،،،،،
فى كل القصايد 
ايوه كل القصايد
 كانت تبداء بحروفك
ياما كتب عنك كتير
كان دايما يخاف ع خوفك
كان شكلو عاشق وبضمير
وانتى لسه مفهمتيش
   يلا قولى متخافيش
كنتى حاسه انه عايب
بيكلم غيرك بنات.
ظنك فيه طلع خايب
بكره تبكى ع اللى فات
لسه هتحكى تانى عنه
وفري متكمليش
،،،،،،،،،،،،،،،،،،،،،،،،،،،،،،،،،
اللى بنكو كان كلام
ايوه فعلا كان كلام 
بس هو كان لسه باقى
اهو ماضى عدا والسلام
وانتى بكره كتير تلاقي 
بس زايه متلاقيش
احبسي الدمع ف عينيكي
واضحكي ضحكه خداع
واكتبي النهايه وبايديكي
اخلقي لحظه وداع 
وابعدي ومترجعيش
ابعدى مترجعيش 
ابعدى خليه يعيش 
بقلم الشاعر/
عبدالفتاح عزت