............................. أجمل وردة .............
عايش مشغول بيكي
عايش   هايم  فيكي
في أحلامي بلاقيكي
في حياتي شغلاني
كبرتي قدام عيني
وبيزيد لك حنيني
وضحكتك ترويني
وجريتي في شرياني
أملي اشوف عينيكي
قلبي   مشتاق  ليكي
بكل نبضه بيناديكي
وانتي مش سمعاني
إمتي ح تسمعي  ندايا
إمتي ح تحسي بهوايا
إنتي   ساكنة    جوايا
تبقي أذاي مش حساني
وكتابك علي صدرك
يعرف كل حاجه عنك
والضفيرة لمة شعرك
ونفسي أأقرب  منك
واخدك في أحضاني
وأصارحك وأقولك
من صغرك  عارفك
وطول عمري شايفك
أجمل وردة في بستاني
.................................................
............... حسن محمود .............