ناي عجوز .........!!!!
ــــــــــــــــــــــــــــــــــــــ
علي صوت الناي الحزين
دندنت أوجاعي
لحد شاف المر
 ولا داق يوم عذابي
قفلت ببان الأمل
وخطيت عتب الزمن
وقلت مافيش داعي
سافرت وطالت غربتي
الهم آنسني في وحدتي
والصبر هج ياناس
وأنا بسح في دمعتي
فرقتنا الأيام الصعيبة
علي لقمة مدهونه كئيبة
في بلاد الغربة بعيدة
وأه أه علي النفوس الغريبة
بيقولوا بتغرف أنهار
فلوس وعز وفخار
ولا سايبني في حالي
ولا يدروش موالي
الآهة بتحرق أوصالي
ملعونة ياغربة
خدتيني من ناسي
وتعبتيني في راسي
وصاحبني في ليلي
صوت ناي عجوز 
بيخفف من  أحمالي
وبنسي اللي جرالي
من قسوة الأحباب
بضحك علي حالي
وافتكر هم وعذاب
ــــــــــــــــــــــــــــــــــــــــــــــــ
بقلمي / محمود مسعود ( أغنية )  4/4/2017م