مصر أكبر من كلمة تحيا
.............................
مصر أكبر من كلمة تحيا
مصر أكبر من كل ناحية
مصر أكبر من كلامنا
أكبر من أغانينا و سلامنا
مصر أكبر بشعبها و ولادها
 بيحبها و واقف على ندهه
و هو كبريائها و عنادها
و هو حدودها و بلادها
الشعب الطيب الوفى المخلص
مين غيره يا طيب يصون و يحرس
عظمتوا رجالكو و ما عظمتوه
ايه اللى جالكو لما ظلمتوه
غضب من الله من بعد غضب
كل شيئ مات و راح و نضب
إلا الشعب لسه بخيره
لسه واقف على حيله
مين هيصون مصر غيره
الشعب المصرى كتر حيره
رغم الظلم و الفئوية
هو يد مصر القوية
و ما حد بيعمل لغيره حساب
و اللى يقول غير كده كداب
تعظيم سلام للشعب المصرى
هو عزى و جاهى و نصرى
شعب الفول و الطعمية
مفيش أحسن منه فى الدنيا
شعب القطر القشاش
شعب مصر يا غشاش
........................
محمد أبوالمعاطى