بحبك كيف ما بعرف وليش مش فاهمة بعرفك كتير منيح ومن زماان كتير

بس ولا مرة فكرت بهاي الطريقه .. بحبك من امتى برضه ما بعرف شي غريب كل هالكلام..

اللي بيشوف هالكلام بيقول  شو هالبنت عم بتخرف شو عم تكتب وبيقول سلامة عقلها الله يعين اهلها..

بس جد مش فاهمة لما كنت اكتبلك بحبك زمان ما بعرف ليش  كنت اكتبها بس مش فاهمة ليش..

بس هسا صرت بعرف ليش كنت اعمل هيك..

كنت اختك...وكنت صديقتك..كيف هسا حبيبتك.........ما بعرف ع قولت اللي حكاها تطورات..

بس جد مو فاهمة والاهم من هيك خايفه كتير مو شوي اكتر من كتير حتى..

لما بنخسر حبيب بتكون صعبه علينا بنعيش بالم وعذاب ..بس لما يكون بحدنا صديق يواسينا بنرتاح كتير وبننسى اوجاعنا ...

ولما بنخسر صديق بيكون بحدنا اخ يحاكينا ويحكيلنا ويفهمنا انه هاي سنة الحياة...

كيف عم حبك ..عم بعششقك هيك...كيف!!!

فيني احكي انك كنت ع طول معي ويا رب تضلك معي ع طول ..

كنت بحدي بكل الاوقات عم تواسيني وتفهمني ...وان شاء الله ع طول تضلك هيك.........

انت جد حياتي من زمان وبتعرف هالشي بخسر اي شي بالدنيا بس ما بخسرك...

واذا بخسرك اكيد عم كون بخسر حياتي.........

زمان كنا نتشارك الحلوة والمرة سوا  كانت اسرارنا مكشوفة لبعض ..

لما اكون زعلانة كنت انت تكون سر فرحتي وسعادتي ...ولما تكون متضايق ع طول بكون معك وبحاول افرحك باي شكل....

يمر يومي وكانه يوم عادي وما الو اي طعمة ولما احكي معك تصير ضحكتي عم تملا الدنيا وما فيها......

ما بعرف ليش اعترفتلي بحبك...يمكن لسبب ما...

بس كان مستحيل ادير ظهري وامشي ....... بعرف غلطانة من ساسي لراسي...

بس العاطفة اللي بقلبي الك اكبر من انه اتحمل او حتى انه انكر حبك...

يمكن ما انتبهت والاصح ما كنت بدي اي علاقة حب تربطنا منشان ما نبعد عن بعض ..

كنت بدي اياك معي ع طول وبس مش مهم باي صفة بس كنت بدي تظل معي وبس..

يمكن خايفة من انه اكون سبب بجرح الك او ذكرى اليمة لهيك ما كنت بدي احكي ..

بس لما حكيت ما قدرت امنع حالي عنك او حتى سببلك بعذاب بسببي..

لو تعرف قديش عم حبك............ تركت كل شي وراء ظهري ..مش عم فكر بشي ولا حتى في حالي ........

(عم بعشقك لالك انت وبس......)

احكيلك شو سر خوفي .....%

ببساطة الصديق بيضل ع طول صديق فصديق اليوم بيضل لبكرا...

بس الحب فهو لما يروح ما عاد يرجع مرة تانية..واللي بنحبه مرة بننساه وما عاد نحبه مرة تانية..او بالاحرى ممكن نكتشف انه ما كان حب اعجاب او ما شابه ..

هاي هي الصداقة شجرة ع طول صامدة مع كل فصول السنة بتضلها عايشة طول ما في من يرويها ...

وع طول انا وانت رويناها..

بس الحب انت بتعرف وانا بعرف انه وردة مليانة اشواك...

الحب وردة ما  بتشرب منها الا الكاسين مع بعض ..

الصداقة ممكن تصير حبك متل ما صار...

بس الحب ولا مرة بيتراجع ليصير صداقة... خايفة كتير ..

والحبيب مستحيل يرجع ليكون صديق ..اكيد عم تفهم انت كمان هالشي..

انت او انا انت بدك اياني الك وحدك وانا بدي اياك الي وحدي..

بس الصديق بيكون صديق الكل بس الحبيب حبيب لشخص واحد بس...

ممكن يكون عندي اصدقاء او عندك صديقات...واحنا الاتنين عم نفهم ع بعض..

درجة كل صديق محفوظة بقلوبنا..وكل صديق اله اهميته...

بس ع طول كنت انت الصديق الاهم عندي........وكنت عم حس بنفس الشي معك..

بس الحب درجته وحده لشخص واحد وبس وما بييقبل اي حد من الطرفين بشي غير هيك..

الحب ما بيقبل غير انه يطير يطير بالعالي.. وفي الحب ما في قل مستواه بقلوبنا  الحب ما في حلول وسط في الحب اما بيكون ع طول حي قوي او بينتهي... للابد...

احكيلك شغله بتضحك..

لما بتحكيلي بحبك بحس كل الدنيا بين ايدي ..

ولما بحكي معك زي عادة بحس بسعادة مو طبيعية ..

قدامك كحبيب ما بحس بالشتي بحسه صيف..

وقدامك كصديق الشتى بيكون اجمل واحلى..

لما بتحكيلي حبيبتي وجهي بيصير احمر وكل الالوان ببعض ..

ولما بتناديني باسمي ببتسم وبصير اضحك ومبسوطة كتير...

لما بتحكيلي كلام ما عودتني عليه قبل بتضيع مني كل الكلمات وكل الحروف

وما بقدر اقولك اللي انا بدي احكيه..عم بخجل ههههه زعم بستحي..

وفي نفس الوقت لما بنحكي عادي بحكيلك كل شي وبكون مرتاحة كتير واي شي بيجي ببالي بحكيه ما بفكر بحكي اللي بقلبي بحكيه وبس..

عم برتبك معك كتير وشوي ما عم بفهمك..

بس ع طول ثواني بكون معك وكانك انت انا وانا انت......

وبكون معك متل ما انا بشخصيتي الطبيعيه..

لما بتزعل عم بزعل معك ...من زعلك..

واحيانا عم هدي حالي لحتى هديك وخفف المك ووجعك..

انت هلا ثلاثه في واحد ...اخي.. صديقي وبعدين حبيبي....

بدي كون اختك قبل كل شي بدي حافظ على هالشي معك .. وما بدي حدا ياخد مكاني بصداقتك..

بدي ع طول كون سرك ..وما تخبي عني شي حتى لو بيزعلني احكيه زي عادة حسمعلك..

واخر شي بدي كون حبيبتتك..اللي بتحبك وبتعشقك وبتخاف عليك وما بدها حدا يشاركها فيك..

مش عم بتملكك بس بدي كون متل ما كنت قبل مع شرف الي انه تكون حبيبي..

بدي تزيد غلاوتي بقلبك ومكانتي عندك ما بدي اياها تنقص لاي سبب من الاسباب.. ونفس الشي بدي اياك بحياتي بدي تسمعني تفهمني ..

وما تعصب على كل شغله شوي ..المفروض نكون عم نقوي اللي بينا ونميه

مش عم نبعد عن بعضنا...كاصحاب واحباب سوا...

عم خاف كتير بس عم  حبك اكتر.. بعرف ممكن نتالم اكتر من هيك لسه بس مو هاممني شي حتى اني قربت شوي وجن بس الغالي يرخصلك يا اغلى ما في حياتي.... وهيك بكون حكيتلك عن مخاوفي والله يستر ..

دورت كلمة تكون مناسبة لتعبرلك عن شو عم حس بالزبط او شو عم فكر او من شو عم خاف ما لقيت كلمة بمعناها اقوى او اصفى من انه...

(الله لا يحرمني منك يا رب ).........