<!--<!--<!--
الديكتاتور
انا مين علشان اموت
ده انا مفيش ف ايدى كرباج ولا نبوت
ده انا ديكتاتور يادوب لسه ف حضانه
بتهجا اول حروفى ف القهر والاهانه
من كتر خوفى من خوف ابن الجبانه والكذب والخيانه
قولت اعمل ديكتاتور
مع ان لسه لى كتير عشان اكمل علام
و اخد ف ايدى شهاده
شهاده ديكتاتورا
وافسد الحياه وادوس على الجباه
واشعلل حرايق واظلم الخلايق واطيح ف خلق الله
وانتو عايشين كماله ولا عايشين عواله
ولا كماله طابور
الدنيا من البدايه محترفه فى صناعه الشخص الديكتاتور
من يوم بدء الخليقه مش قادره تحمى حق ولا قادره تكفى ظلم ولا قادره ع الحقيقه
ولا تمنع ديكتاتور من اى صنف ولون
ولا من القهر والعباد
تعالوا نشوف ونقرا ف كتاب الانسانيه عن الشخص الديكتاتور
هنشوف انواع ملهاش نهايه من الديكتاتور
فيه ديكتاتور سياسى وديكتاتور حماسى
فيه ديكتاتور قرارى وديكتاتورى حوارى
فيه ديكتاتور فظيع وديكتاتور وضيع
وديكتاتور ذكى وديكتاتور غبى وديكتاتور مريض وديكتاتور عويط وديكتاتور عبيط
فيه ديكتاتور مهذب وديكتاتور ملذق
فيه ديكتاتور شقى وديكتاتور عفى وديكتاتور عجوز
فيه ديكتاتور شجاع وديكتاتور جبان
و ديكتاتور زمان غير ديكتاتور الزمان ده
ديكتاتور زمان كان زى جنكيز خان وهولاكو وريتشارد و موسولينى وهتلر
الديكتاتور معشش فى التاريخ وقلب الانسانيه
وكل واحد فيكم جواه ديكتاتور
بصوا على اى حد وحققوا هتلقوا موجود تحت جلده بقايا ديكتاتور
سايبين الكون بحاله بظلمه وقهروا وعباده
طب انتو عملتوا ايه؟
ساكتين من بدرى ليه مقولتوش لأ ليه؟
عشان مابتقولوش طلعلنا قورقوش ومليون عفركوش
ده غير اللى مانعرفوش من كل شكل ولون
نفسى اسمعكم تقولوا لاء للديكتاتور الكبير
قولوا لاء للامريكان والصهاينه والعنف والاحتلال
قولوا لاء وبلاش ترضوا بالذل والهوان
قولوا لاء وبلاش نفاق
قولوا لاء للمجاعه والحروب والاهانه
قولوا لاء
والسلام
اشرف لى ان يقتلنى السيف عن ان يطعنى سكين الغدر
ساحة النقاش