<!--[if !mso]> <style> v\:* {behavior:url(#default#VML);} o\:* {behavior:url(#default#VML);} w\:* {behavior:url(#default#VML);} .shape {behavior:url(#default#VML);} </style> <![endif]-->
<!--<!--<!--<!--[if gte mso 10]> <style> /* Style Definitions */ table.MsoNormalTable {mso-style-name:"Table Normal"; mso-tstyle-rowband-size:0; mso-tstyle-colband-size:0; mso-style-noshow:yes; mso-style-priority:99; mso-style-qformat:yes; mso-style-parent:""; mso-padding-alt:0in 5.4pt 0in 5.4pt; mso-para-margin-top:0in; mso-para-margin-right:0in; mso-para-margin-bottom:10.0pt; mso-para-margin-left:0in; line-height:115%; mso-pagination:widow-orphan; font-size:11.0pt; font-family:"Calibri","sans-serif"; mso-ascii-font-family:Calibri; mso-ascii-theme-font:minor-latin; mso-hansi-font-family:Calibri; mso-hansi-theme-font:minor-latin;} </style> <![endif]-->
احنا نزلنا قبل كدا بوست عن الحد الادنى للتهوية (Minimum Ventilation )
بس واضح انة مش كان واضح لمعظم الاعضاء
المرة دى هنكتبة بطريقة مبسطة جدا
مع ان فية 3 طرق لحساب الحد الادنى بس خلينا ناخد اسهل طريقة
الاول انت عارف الحد الادنى من التهوية دا بنستعملة امتى
؟؟؟؟؟؟
لما تكون فية دورة شتا
او
فى فترة الحضانة
او
فى موجات البرد
او
لما تكون حرارة العنبر اعلى من الحرارة الخارجية
فى كل الاحوال اللى قلناها دى الناس بتخاف تهوى خوفا على الحرارة
لاكن معرفة الحد الادنى من التهوية بيحل معانا المشكلة دى
وبيخليك تهوى من غير اى ضرر حتى لو كتاكيت صغيرة وفى عز الشتا
زى ما قلنا فى البوست اللى فات عن الحد الادنى اننا بنستعمل مرواح صغيرة
طيب فى غالبية مزراع مصر وبعض الدول العربية مش موجود غير المرواح الكبيرة اللى هى 140 * 140 اللى قدرتها 42000 متر مكعب فى الساعة
او 120 * 120 اللى قدرتها 36000 متر /س
تقريبا كل غالبية الاهالى موجود فيها المراوح الكبيرة فقط ومفيش صغيرة
يعنى البوست اللى فات مش هيستفيدو منة بحاجة
طيب تعالى نشتغل على العنبار اللى فيها مراوح او شفاطات كبيرة
دا اولا
ثانيا فية 4 طرق لحساب الحد الادنى من التهوية
تعالى نختار ابسط طريقة علشان الناس مش تتلخبط معانا
طريقة حساب الحد الادنى عن طريق العلف المستهلك
يا راجل
طيب ازاى
شوف انا هقولك قانون احفظة
(( كل طن علف ماكول عاوز حد ادنى من التهوية يمعدل 120 متر مكعب فى الدقيقة ))
يعنى افضل تهوية لاى عنبر ياكل طن علف ان كل دقيقة لازم اغير 120 متر مربع هوا
طيب يا سيدى هعرف استهلاك العلف ازاى
هقولك كدا انت هتزعلنى منك لانى نزلت بوست قبل كدا عن طريقة حساب الاستهلاك اليومى للعلف
واللى بيقول
العمر باليوم * العدد بالاف * 0.09 * 50 = يطلع معاك كم كيلو العنبر دا هياكلة
يعنى مثلا عنبر 20 الف طير على عمر 15 يوم هياكل كم
هيقولك
عمر باليوم 15 فى العدد بالاف 20 فى 0.09 دا ثابت فى 50 دا سعة الكيس من العلف يطلع الناتج 1350 كيلو
يعنى مع المهندس عاطف مش هتتعب حتى لو عاوز تعرف عنبرك بياكل كم
تعالى لموضعنا
نفس العنبر دا اللى بياكل فى اليوم ال15 ال1350 كيلو دا
طيب العنبر دا بناء على القانون بتاع الحد الادنى دا عاوز تهوية كم
( الطن بيحتاج 120 متر / دقيقة )
1350/1000 =1.35 فى 120 متر مكعب فى الدقيقة = 162 متر مكعب هوا كل دقيقة
طيب كدا عرفنا اقل كمية هواء عاوز اغيرها لعنبر زى دا
طيب ازاى اشغل الحد الادنى من التهوية لو العنبر فية شفاطات او مرواح كبيرة بس
الشفاط ال120 * 120 زى اللى فى الصورة دا قوتة 36000 متر مكعب فى الساعة
لاكن احنا بنحسب بالدقيقة يبقى نقسم على 60
يعنى المروحة دى قوتها 36000 /60 = 600 متر مكعب فى الدقيقة
طيب حضرتك عاوز تشغل المرواحة دى ولما توصل للحد الادنى للتهوية اللى هى 162 متر هواء تقفلها علشان متعملش برد
صح؟
فلازم تعملها دورة
كل 10 دقايق تشغلها كم وتقفلها كم
ودى هنحسبها ازاى
؟؟؟؟؟؟؟؟؟
معدل نشغيل المروحة لكل 10 دقائق
= الحد الادنى اللى عرفناة مقسوم على قوة المروحة اللى عندنا فى العنبر
يعنى 162 / 600 = 0.27
الرقم دا تضربة فى العشرة دقائق 0.27 *10 = 2.7 دقيقة
يعنى لو عاوز تعمل حد ادنى من التهوية تشغل الشفاط او المروحة مدة 2.7 او 3 دقائق وتقفلها 7 دقائق
ودا بيكون على التايمر
فية صورة تحت لو حصل خطا فى الحد الادنى من التهوية وزادت قوتة بيكون العنبر بالشكل دا
اعتقد يا جماعة دا اسهل طريقة
وبطريقة مبسطة جدا
وصعب عليا اشوف طريقة ابسط كم كدا
اتمنى يكون البوست مفهوم ودا هيبان من التفاعل مع البوست
نشكر كل الاخوة على النقاش
يا اخوان دى الحد الادنى مش المعدل المطلوب للتهوية
بمعنى دا قياسات لو احتجت الحد الادنى
طيب حضرتك فى العمر الكبير بتحتاج الحد الاقصى
صح؟ ولا لسة هتشتغل على الادنى
الاقصى بتضرب الادنى فى عشرة بعنى الطن العلف فى الاقصى بيعمل 1200 متر مكعب هواء لكل دقيقة
يعنى نفس العنبر لو عاوز تهوية فى العمر الكبير بحد اعلى هتكون النتيجة مش 0.27
لا هتكون 2.7 يعنى حضرتك هتشغل 5 شفاطات لمدة خمس دقايق وتقل خمس دقائق
لو مفهومة الحمد لله لو مش مفهومة نحاول ننزل بوست تانى عن الحد الاقصى للتهوية اللى بيتناسب مع الاعمار الكبيرة والامهات والبياض
لو الطريقة مش مفهومة ممكن نعمل بطريقة اخرى بتاعة الوزن الحى
حيث ان الحد الادنى لكل كيلو وزن حى 1.5 متر مكعب هوا فى الساعة
والحد الاعلى 6 متر مكعب هواء فى الساعة
وتهوية الامهات والبياض من 8 الى 12 متر على الساعة
واعتقد انها كدا هتكون اوضح
ساحة النقاش