جارى التحميل
استخدم زر ESC أو رجوع للعودة
بيت من الشعر
كتبت لك بيت من الشعر
أبكيت كل حسادك من حلاك
قلت يا نهر حسن فتت الصخر
أيش تسوى الدنيا بلا غلاك
لو كان لي الف عمر وعمر
دايم يا عمري راح أجري وراك
مالي غنا عنك طول الدهر
ولا يقدر يعيش الكون بلاك
ربي عطاك من كل عطر
والبعد عنك يا عمري هلاك
نارك يا دنيتي بقلبي مطر
إشعل النار دامني وياك
من فتنة جمالك الكون إعتبر
والبسك تاج الحسن وبه كساك
كل جمال بعدك كان صفر
ما يسوى جماله قرب محياك
ربي عطاك الحسن بكلمة أمر
جعل الكون كله أبد ما يسواك
تدلل يا جمال دامك رحيق الزهر
وبرمش عينك أمر الروح تفداك
أنا عاشق لك يا ملاك كل البشر
خلك و أسقني من حبك و هواك
لو قالوا شاعر مجنون بالشعر
قلت حساد ما يعرفون شرواك
أجمل شي شافته عينهم قمر
ومادروا إن نور القمر ضياك
الشاعر
فهد بن عبدالله الصويغ
مرحبآ بك بمجلة بشرى الأدبية الإلكترونية
Bouchra Electronic
Literary Magazine
ساحة النقاش