جارى التحميل
استخدم زر ESC أو رجوع للعودة
بين حروف النظم
بين حروف النظم أشوف حرفك
يحرك فؤادي على حواف إسمك
أنظم البيت مرسوم على هواك
كأنه يابنت الأجواد كان نظمك
يخفق القلب بصدري وهو معاك
متيم بالقوافي لأنها لون وصفك
مجنون من قال العشق بس لقاك
ونسى يقول الجنون هو عشقك
البدر يكتمل من لمحة ضياك
والشمس تشتعل من نور رمشك
ليتني طير أطير دوم بسماك
وأجعل مسكني دوم على كتفك
قلبي ما عاد يشفى بغير دواك
ولا عاد يدق لغير طيفك وحسنك
مليون غيري يابدر الكون يتمناك
وتزداد رهبتي كل ما قلت أحبك
إشلون تبيني أصبر على فرقاك
وكل مافيني يردد بالقلب رسمك
بعدك عني ولو لحظة للروح هلاك
إشلون أقدر أتنفس هواي بعدك
إنت رحيق الوجد وعمري رضاك
مقدر ياغلاتي أصبر على قطعك
إشلون يجيني النوم ليلة يا ملاك
وذكر البعد صار يعذبني بذكرك
الشاعر
فهد بن عبدالله الصويغ
مرحبآ بك بمجلة بشرى الأدبية الإلكترونية
Bouchra Electronic
Literary Magazine
ساحة النقاش