مجلة بشرى الأدبية الألكترونية - قصيدة : معالي القلب

 معالي القلب 




راحت يا قلب و لا عادت فيك تسأل
لا تبكي يا قلب يمكن عليك هي تثقل
خلها تروح ولا تسأل انت يوم عليها
باكر ترد لما تبطل منك هي تزعل 
كفاياك يا قلب دايم كنت تداريها
خلها تروح يمكن بيوم  تتعدل
وقف دموعك لا تشمت فيك بيها
أثقل يا قلب و لا يوم عليها تتعجل 
إن ردت تراك تكون قدرت تجاريها
و إن راحت ترى الف غيرها أجمل
دوم يا معالي القلب كنت مهنيها
تراك للعشق تاج و العشق بك يكمل
أتركك منها تراها تبيك تترجى فيها
أنتبه تضعف تراك راح منها تتبهدل 
بعيوني كنت أشوفك  دوم مراعيها
وكم  كنت  بحسنها يا غشيم تتغزل 
شكل الغرور صاحبها بكل خطاويها 
وتبيك ذليل قدامها لجل وهي تتململ
ما عليك منها خلها تقول حكاويها 
بكره راح تفهم انك بدونها دوم أكمل 
دايم منك تزعل و انت دايم تراضيها 
ومثلها يا صاحبي للحب دوم يجهل 
عطها يومين لو ما ردت لقلبك ألغيها 
تراها ما تستاهل لقلبك يوم تحتل 
حبها عذاب وإنت دايم كنت معليها
خلها ياقلب تروح وعساها عنك ترحل
حبك خلته لك هم ونكد بكثر بلاويها 
إن ماردت عقب يومين شوف لك حل




 الشاعر 
فهد بن عبدالله الصويغ