مجلة بشرى الأدبية الألكترونية - قصيدة : بجناحك أطير

 بجناحك أطير 



فوق السحاب بجناحك ياعمري أطير
لحد نجم سهيل  وفوقه بعد أسير
طاير أغني يملاني الحنين والشوق
و بنسمة هواك القلب يا عمري أمير 
مستحيل لجمالك أحد يا غزالي يفوق
مالقيت بالكون كله لك شبيه أو نظير
تمشي بعروقي وقلبي لك دايم خفوق
مالك شبيه ولا عمره بالكون يصير
قالوا بغرامك يا هناي صرت مصفوق 
قلت مصفوق للجمال اللي كله عبير
عاشق أخذني عشقي طاير لفوق
اعانق السحاب أغني بين العصافير
يغيرون مني لأني كنت دوم معشوق
من أميرة الحسن وقلوبهم بلا ضمير
اتركيهم يغارون دامني بحبك مرموق
بعشقك يا غرامي و لقلبك صرت أسير
خلي النميمة و الغيبة لهم دوم منطوق 
و خلنا فوق السحاب بأرواحنا نطير
دامك هناي وشمسي وبك كل الشروق
ماهمنا منهم إرمي كلامهم بقاع بير
بينهم و بين حسنك يا حياتي كثير فروق
إنت ملاك من السما وهم ياهناي بلا تعابير 
انت غرامك جعل مساره داخل العروق
وهم شوفتهم تجعل السهل البسيط عسير
خلك منهم يا غرام دام راسي ممشوق
ودام حبنا فوق السحاب بقلوبنا يسير




الشاعر 
فهد بن عبدالله الصويغ