مجلة بشرى الأدبية الألكترونية - قصيدة : بحب ترابها

 بحب ترابها 




قالولي صحيح بتحب مصر
قلت أيوا بموت في حبها 
بحب ترابها اللي زي الزهر
اللي طالع من جوة قلبها

بحب شمسها وبحب ليلها
وبحب عطرها وبعشق هواها
بحب هرمها ولون نيلها 
وأموت عشان لحظة رضاها

بعشق نغمة عصافيرها 
وبعشق جواها  أيامي
ع الشط دايمآ بأساريرها
وفي كلها عايشه بأحلامي

دي هي امي وهي حياتي 
والضحكة اللي دايمآ جوايا
فيها عمري و كل ذكرياتي
وفرحت عينيها منايا

لا أعرف أحب تاني غيرها
ولا أقدر أنسى يوم إسمها 
حافظ حتى أسامي طيرها 
وبغني من غلاوة عشقها

دايمآ بتجري جوة دمي
وانا زهرها جوة غيطان
هي ابويا وهي أمي
ودمها جوة شرياني

بحبك يابلدي وبحب إسمك
مهما قالوا عن سلطانك
داه دمي بيجري جوه دمك
ولو أمرتي أموت عشانك

أنت تاج على راسي منور
وجبيني بيكي دايمآ عالي
سبحان من خلق وصور
يا مصر يا أغلى الغوالي

لا بحبها عشان نيشان
ولا بحبها عشان يمدحوني
بحبها عشان الحنان
اللي منور جوة عيوني

كل ضحكة ليا فيها صوت
وكل همسة ليا فيها نغم
حفضل أحبها ولو أموت
أصلها جوة قلبي هرم

يا سلام على إسمك يا مصر
يا سلام وإنت واقفة بتغني 
دا الصبر ياخد منك صبر
ويا جمالك لما بتتهني

على نغمة عودها بأتمايل 
ومن حلاوتها بأقول أه
جمالها عامل فيا عمايل
وهواها عسل الشهد جواه

تعيشي يابلدي رأسك للسما
وكل مافيكي فوق النجوم
حفضل أحبك ومش حقول ربما
وعن حبك أبدآ أبدآ مش حصوم





 الشاعر 
فهد بن عبدالله الصويغ