جارى التحميل
استخدم زر ESC أو رجوع للعودة
قيصــــــر القـــــوافـــي
أيا قيصر القوافي خبرني
إشلون أصوغ القوافي
بمحبوب قلب معذبني
دوم ناسيني وانا له وافي
ليته ولو مرة يطمني
وينقذ الروح بإسعافي
من يوم عشقته مجنني
أنا أوصله وهو مجافي
صغير السن مذوبني
وسارق الروح معاه
ليته يبطل يعذبني
ولا يقسى على بهواه
خبرني إشلون يا قيصر
أبحر ولا أكسر مجدافي
أنا من غرامه أتمرمر
وهو يشرب شهد صافي
انا أجري وهو يتمختر
سايق الدلال علي يا كافي
لجل حبيت الأسمر
واعتبرته كامل اوصافي
نزلني ببحره وغرقني
والحين مقدر أسلاه
إشلون يا قيصر طمني
يعذبني رغم غلاه
ليتك بكلمة تنصفني
وبعدلك تحكم لإنصافي
ليه من حبه يحرمني
ولا قادر اقول له كافي
جيتك لجل منه ترحمني
وإنت تدري الألم خافي
غرامي له دوم مسهرني
وهو دوم عن غرامي غافي
صائغ القوافي الشاعر
فهد بن عبدالله الصويغ
مرحبآ بك بمجلة بشرى الأدبية الإلكترونية
Bouchra Electronic
Literary Magazine
ساحة النقاش