مجلة بشرى الأدبية الإلكترونية - ملعــــون أبــو الحــــب - ديوان : السراب

ملعــــون أبــو الحــــب 




ملعون ابو الحـــب اللي يذل  راعيه
الحـب اللي بيه مذلة تراه لك مهانــة
يا زين القلب الصافي اللي يوم تلاقيه
لا به غرور ولا به نفس كريهة شيطانه 
الحب اللي به عذاب حب أبد ما ادانيه 
حب يلوع صاحبه و دروبه دوم خسرانه 
حبيب يجافيك وانت صعب عليك تجافيه 
حبيب كذاب أكيد عيونه بغيرك مليانه 
ملعون أبو الحبيب اللي دايم دوم تعليه
وهو ما يشوفك أبد إلا لأهداف طمعانه 
القلب اللي يحب أناني حرام يوم تحيه 
موته أزين له من غرام كل ما به إدانه
قلبك اربطه بحديد من صلب تحكم بيه
تراها ما تسوى مذله لجل عين نعسانه
من باعك بيعه وإنسى أيامه وكل لياليه 
ياكثر الجمال والأدب والذوق بقلوب حيانه
بعض البشر لا شكرته زاد لك دوم بتعاليه 
ولا تركته مشى وراك تابع ويا زين لسانه
أذكر عاشق يجري ورى عشقه يراضيه 
ويوم نساه تغير المعشوق و تبدل كيانه 
ويش ذا الحب اللي يقاضيك وانت تقاضيه 
ونفسك عليه حسافه بالدموع حسرانه 
ملعون أبو الحب اللي دايم بحبك تهنيه 
وهو بحقيقته عذاب و هم و سوده الوانه
من حبك لجل نفسك ليتك بالروح تفتديه 
ومن حبك لجل كثير المال سهل نسيانه
ملعون أبو الحب اللي دوم بغرامك ترتجيه
وهو عاش دنياه يكبر و يتغذى بالخيانه
القلب اللي يعشق غدار تراه قلب سفيه
سهل على العاقل كبح جماحه و هذيانه
لا عشقت أعشق قمر أديب قلبه نزيه
لا يغرك جمال زايف صار الشيطان سلطانه




صائغ القوافي الشاعر 
فهد بن عبدالله الصويغ