مجلة بشرى الأدبية الإلكترونية - أبكـــــي علــــيك - ديوان : السراب

أبكـــــي علــــيك

أبكي عليك كل ماجابو سيرتك 
و دمع العين من حبك نيران 
أشتاق لصوتك و نظرتي لصورتك
وانت غايب و تاركني هنا حيران
أسألك باللي خلاك هناك بغيبتك
ماسألت روحك ويش أخبار الخلان
رحلت و تركت بأرضك حبيبتك
ولا سألت و يش سوى بها الزمان
تدري غلاك بقلبي وأدري طيبتك
لكن يا غلا روحي القلب تعبان
مشتاقه يا نظر عيني دوم لشوفتك 
تعدي الليالي والجفن منك عطشان
ليتك ترويه بنظره يشوف هيبتك
و تشوف إشلون بلاك صار دبلان
ليتك ترد و حشتني فيك غيرتك
ووحشني الشوق اللي بكل مكان
رحلت يا أمير و تركت أميرتك
والقلب من غيابك صار عليك ولهان
ربي يردك يا غلاي من غيبتك
لجل الشمس تظهر للكون و تبان
من غيابك و القلب دايم بسيرتك
مره ينام مرضي ومره وهو زعلان
أنتظر يا هوى روحي منك جيتك
ابي شوي أعيش لحظة النسيان
نفسي ترد وتشوفني من بعد ردتك 
إشلون الجفن نفسه يكون نعسان


صائغ القوافي الشاعر 
فهد بن عبدالله الصويغ