جارى التحميل
استخدم زر ESC أو رجوع للعودة
ســألت القــمر
سألت القمر جايب نوره من وين
قال من مصدر النور اللي بقربك
أبو بشرة قمحي و مورد الخدين
من ظلم نفسه وصار اليوم يحبك
يا شين إختياره لك والله يا شين
ساب الفلك و نزل لجل يسكن قلبك
من عرفك وانا أبكي بدموع العين
يمكن يحس فيني و يبدلني بحبك
قلت له نصيب في هوى العاشقين
قال أرجوك خلي بالك عليه بربك
لا تخليه يبات في يوم أبد حزين
يكفي انه نزل من فلكه لجل حبك
من يومها عاهدت القمر الى الحين
قسم يا زين الحلى ما أشيل ذنبك
و حطيتك يا حياتي بين المقلتين
و برموش عيني أحرسك بدربك
انت الغلا و انت الحب و الحنين
والكلام يحلى لو كان من نظمك
عشت عمري قبلك سنين و سنين
ما شفت بجمالك ولا شفت حسنك
انت هواي وانت روحي قول امين
عسى القلب يتوقف لو جحد قدرك
صائغ القوافي الشاعر
فهد بن عبدالله الصويغ
مرحبآ بك بمجلة بشرى الأدبية الإلكترونية
Bouchra Electronic
Literary Magazine
ساحة النقاش