مجلة بشرى الأدبية الألكترونية - عـصــافـــير الحــــــب - ديوان قولي الأن

 عـصــافـــير الحــــــب

 
ياحبيبي وأيامي 
ياحبيبي مين قدك
يافرحي وغرامي 
لا قبلك ولا بعدك
يا أجمل أحلامي 
يسلملي نور خدك

عيونك السود هنايا
وقربك جنة دنيتي
طول منتا ياقلبي معايا
ماتغبيش عني فرحتي
داه قربك وحده حكايا 
وحبك بداية رحلتي

في الحب ححكي حكاية
تملا الدنيا فرح وسرور
من ألف رواية و رواية
انا قلبي صبح من نور
سكن بغرامه جواية
لا ساحر ولا مسحور

مين زي حبيبي في حبه
مين زيه ياناس في هواه
داه هو اللي قلبي حبه
ونساني الدنيا بهواه
دي الدنيا كلها قربه
والفرح يا ناس وياه

لا شك ولا ظلم وعذاب
ولا نار تحرقني من الحيرة
انا وهو دايمآ أحباب
ودايمآ حكايتنا مثيرة
لا عذول ولا أغراب
يدخلوا ويانا في سيرة

كلامنا كله حب في حب
وغرامنا شوق وأمل 
القلب ماشي ويا القلب
ولا في يوم عرفنا الزعل
ماشيين سوى دايمآ بالحب
ولا يوم عرفنا الملل

متهنين بحياتنا وحبنا 
وطيور الحب حوالينا 
في الحب مفيش زينا
وليالي الفرح ليالينا
نسهر على ضي نجمنا
والقمر بينور علينا

نضحك تضحك الدنيا
نغني تغني الدنيا معانا
الحب ويانا في كل ثانية
والطير بيتنفس هوانا
لو بألف دنيا تانية
متلقوش لقى زي لقانا

هي دي حكاية حبيبين
ادعولنا ياحبايبنا كمان
نعيش الحب سنين وسنين
ولا يغير علينا الزمان
عصفورين في الحب طايرين
ولا تدخل مابينهم أحزان



صائغ القوافي الشاعر 
فهد بن عبدالله الصويغ