قــــبل الــــوداع 



قبل الوداع و قبل الفراق 
سمملي قلبي من غير ترياق
قبل ما يقول حنبعد خلاص
بعد عني و سابني للأشواق

لا سأل في حبي ولا عاتبني 
سابني وبناره بقى يعذبني
كان حقي عليه شوية ياناس
يقولي ليه غاوي يغلبني

في لحظه غاب من غير وداع 
نسي مابينا والحب ضاع
نسي أيام الحب و الإحساس
ومركبي بقى من غير شراع

مش فاكره يوم قصرت معاه
ولا مره واحده خنت هواه
دا كان دنيتي وهو الأساس
وكنت بتمنى من روحي رضاه

سابني وراح و نسي كل أيامي 
سابني للجراح و سابلي ألامي
من غير وداع سابني للياس
وفوقني بلحظة من أحلامي

لو قالي بس كان يجرى إيه 
كان بعدت عن قمر لياليه
ليه ماقليش عايز الخلاص
وسابني في ناري بس ليه

هو ليه الحب بقى لعبه
ولا اللي ما بينا كان كذبه
ليه بيفرح بدموع عينيا
وسابني انكوي بنار الغربه

نسي أيام صبري وسهري عليه
حتى حبي و شوقي إليه 
نسي وعوده وعهود الاخلاص 
وقبل الوداع قتلني بإيديه



صائغ القوافي الشاعر 
فهد بن عبدالله الصويغ 




 

fahadalsuwaigh

مرحبآ بك بمجلة بشرى الأدبية الإلكترونية Bouchra Electronic Literary Magazine

  • Currently 0/5 Stars.
  • 1 2 3 4 5
0 تصويتات / 21 مشاهدة
نشرت فى 1 مايو 2018 بواسطة fahadalsuwaigh

ساحة النقاش

مجلة بشرى الأدبية الإلكترونية 99

fahadalsuwaigh
مجلة أدبية ثقافية تهتم بالشعر الفصيح المعاصر و القديم , وتهتم بتقديم أجمل القصائد الغزلية والوطنية والدينية وقصائد المديح النبوي الشريف . »

ابحث

تسجيل الدخول

عدد زيارات الموقع

79,994