جارى التحميل
استخدم زر ESC أو رجوع للعودة
يســألـوني النــاس
يسألوني الناس دوم دوم عنك
ومادروا إني عنك ما دريت
يلوموني إشلون عنك ما أسأل
وأنا اللي من السؤال إبتليت
غيبتك هي قسوة سوء ظنك
وانا اللي من غيبتك عانيت
بخلت علي بصوتك و بكلمتك
ولكل مشاعر الحب تحديت
ما عاد تجيني ولا عاد تسأل
ولا عاد على حضني يوم مريت
تخيل كم بكيت لفرقاك تخيل
وكم نامت العين بدمع ماتمنيت
سألت عنك ولكل قلب أتوسل
لكن يا حسافه ولا مرة حنيت
نسيت من عشق كل مافيك
ونسيت من يحبك قسم نسيت
غيروك و غيروا عشقي بقلبك
وعلى كل سؤال لي مارديت
أخاف يوم تجي ماتلقى أحضان
ولا تلقى قلب عاش لك رميت
أخاف يحرق قلبك يوم الزمان
وتبكي أكثر مما عليك بكيت
مدري من وين جت قسوة قلبك
وانا اللي على القساوة ما جيت
صائغ القوافي الشاعر
فهد بن عبدالله الصويغ
مرحبآ بك بمجلة بشرى الأدبية الإلكترونية
Bouchra Electronic
Literary Magazine
ساحة النقاش