مجلة بشرى الأدبية الإلكترونية - حلــــم عـمـــرنا - ديوان قولي الأن

حلــــم عـمـــرنا 


أحلام عشناها زي كل حبيبين 
دوبنا بهواها زي العاشقين
لا عرفنا إزاي تاهت مننا
ولا قدرنا نكمل فرحنا
كل حلم عشناه إختفى وضاع
و إتملا قلبنا دموع و ضياع
سنين و سنين كنا بنتمنى
مليانه حنين للأحلام بنستنى 
في غمضة عين بقينا بسراب
وبقت دنيتنا مر و عذاب
لا حد عرف يوم يواسينا
ولا حد قدر لحظة ينسينا
شربنا المر بكل كساته
ودوقنا الويل وكل حكاياته
وفلحظة ماكنتش ع البال
ضحك القدر وبعت مرسال
رجع الهنا فاتح درعاته
بيرجعنا تاني للحب و ساعاته
سقانا من الفرح و نسانا ألامنا 
رجع لنا اللي ضاع من أيامنا 
بقينا في الهنا مش مسدقين
وحايخدنا يا ترى لحد فين 
بالحب عشنا وبالغرام إتهنينا 
فرحنا بحبنا و للماضي نسينا 
بعدت عننا دموع الليالي 
وزاد فرحنا انا وحبيبي الغالي 
بقينا نتذكر زمان ونضحك
أيام الحرمان وبرضه نضحك
كل اللي بنتمناه بقى حقيقة
الدمع نسيناه بدنيتنا السعيدة
بقينا من النهاردة لبعضنا
وحتنور الدنيا بنور بحبنا 
لا حنخاف تاني من الفراق
ولا حيبقى حبنا بس أشواق 
حنعيش حياتنا مع بعضينا
والدنيا حتفرح بليالينا
ياعيني ع الحب وايامه
وحبيب قلبي وغرامه
كلامه بس اللي بيفرحني
وغرامه هوه اللي بيريحني
بقينا بالحب و إلهنا عايشين
واتحقق حلمنا من بعد سنين
حلم عمرنا خلاص حققناه
واللي أتمنيناه خلاص لقيناه


صائغ القوافي الشاعر 
فهد بن عبدالله الصويغ