مجلة بشرى الأدبية الإلكترونية - موضوع بلدنا - ديوان قولي الأن

 موضوع بلدنا 

كله بيقول يا بلد نفسي
ولا حد منهم شايل همك
كله مطرح ما يرسي يرسي 
حتى ولو بعد الشر ساح دمك
الغني ساب الفقير يجوع
والطبيب نسي يمين قاله
هو داه يا بلدنا الموضوع
شعب نسي الوطن وأجياله
بقينا نفكر في حالنا و بس
من غير مانشوف مصلحة بلدنا 
مش قادرين ببلدنا نحس
ونسينا فيها مصلحة ولادنا
المدرس باع العلم بفلوس
عايز يعيش زيه زي غيره
أتغيرت يابلدنا فيك النفوس
والقليل بس شغلاله تفكيره
مين حيبني فيك ويكبر
لو كل واحد قال يالله نفسي
مين فيك حيزرع ويعمر
لو كان على كل شط بيرسي
نسيوا الحب اللي كان زمان
و ماحدش النهاردة بيداديكي
شوية بس اللي عارفينك أمان
هما بس اللي خايفين عليكي
بقى كله بيشكى لكله حاله
ولا حد قال عشانك يا بلد
كله عايز يحقق بس آماله
ولو على حسابك انا ولا أحد
بقيت أشوفك أبات موجوع 
ليه ولادك كده بس اتغيروا
هو داه يابلدنا أصل الوضوع
ليه مابئوش قادرين يصبروا

صائغ القوافي الشاعر 
فهد بن عبدالله الصويغ