قولها ولا تخاف

قولها ولا تخاف   
قول   انك   ما عاد    تحبني 
قول   إنك    قدرت   تنساني 
دايم   من   غرامك    تصدني
وكأني   غريب  واحد    ثاني
خلك   شجاع   مره   و قولها
إنك   ما عاد      تبي     قربي
لا تزود علي  الليالي   بطولها 
وإنك   انتهيت    من     حبي
مافي   داعي    لكثرة    اللوم 
ولا  له  لزوم    كثر   الخصام
متغير   علي   لك   كم    يوم 
وكل   فعل    لي  صار    يلام 
صرت   بقلبي   نقطة   غروب
و لحظة    لقاك    لحظة   ألم
كل   ما فيني   صار     ذنوب
بعد     ماكنت    لراسك   علم
قول    إنك    فقدت     الحب
ولا  عاد   تعرف    له    طريق
قول    إنك     بطلت     تحب 
ولا تقول صار لك غيري رفيق     
خلك صريح وقول  تبي   تبعد
وخلي لك ذكرى  طيبه   بقلبي
إنسحب    من   قربي    وأبعد
ولك  علي  أبعدك   عن   دربي
لا  تنحرج   من  غرام  السنين
قولها   و تسهل    ربي   معاك
قول ما عاد  لي  بقلبك حنين 
وعهد  علي  لو   قلتها  أنساك
صائغ القوافي الشاعر 
فهد بن عبدالله الصويغ 
13-12-2016