جارى التحميل
استخدم زر ESC أو رجوع للعودة
رسالة غرام
كانت دنيتي قبل غير دنياك
و اليوم دنيتي صارت معاك غير
صرت أشوف الشمس بمحياك
وبشوق الغرام أسمع غنى الطير
لا أستنشقت الورد أصافح يمناك
ولا صافحت يمناك بسماي أطير
من غرامي أسكنتني جواك
ومن غرامك صرت بقلبي أمير
تذكر يوم شفتك قلت لك أتحداك
و أنا اليوم صرت بحبك أسير
يومها أعجبتني و ملكتني يا ملاك
لكن الكبر في الحب أمره خطير
حبيت أثقل ولا يبان في غلاك
لين خليتني من غرامك أحير
لو ما جاوبتني بحبك كان الهلاك
و لا كنت اليوم أحسن التعبير
كان صرت مجنون محتاج لدواك
ولا لقيت عند الأطبا علاج يسير
أشهد إني بحبك عايش لهواك
و أشهد إن ببعدك العمر قصير
اليوم من داخل الحشى أكتب لك
وأرسل رسالة لملاك ماله نظير
بيها حروف تقول مشتاق لك
وأنا من غيابك ياغرامي مستجير
صائغ القوافي الشاعر
فهد بن عبدالله الصويغ
2-12-2016
مرحبآ بك بمجلة بشرى الأدبية الإلكترونية
Bouchra Electronic
Literary Magazine
ساحة النقاش